Bir Təsadüfdən Dünyaya Səslənən Foto — Heydər Əliyev Mərkəzində Çəkilən Məşhur Kadr
Bəzi fotolar saatlarla planlaşdırılır, bəziləri isə cəmi bir neçə saniyə ərzində yaranır. Amma məhz həmin saniyələr bəzən illərlə yadda qalır.
Mənim üçün də ən çox tanınan, beynəlxalq platformalarda milyonlarla insanın qarşısına çıxan və müxtəlif ölkələrdə paylaşılan bu foto məhz belə yarandı. Maraqlısı odur ki, nə model dəvət olunmuşdu, nə səhnə hazırlanmışdı, nə də əvvəlcədən qurulmuş bir ideya var idi. Sadəcə diqqətlə baxmaq kifayət etdi.
Bir Təsadüfdən Dünyaya Səslənən Foto — Heydər Əliyev Mərkəzində Çəkilən Məşhur Kadr
Bəzi fotolar saatlarla planlaşdırılır, bəziləri isə cəmi bir neçə saniyə ərzində yaranır. Amma məhz həmin saniyələr bəzən illərlə yadda qalır.
Mənim üçün də ən çox tanınan, beynəlxalq platformalarda milyonlarla insanın qarşısına çıxan və müxtəlif ölkələrdə paylaşılan bu foto məhz belə yarandı. Maraqlısı odur ki, nə model dəvət olunmuşdu, nə səhnə hazırlanmışdı, nə də əvvəlcədən qurulmuş bir ideya var idi. Sadəcə diqqətlə baxmaq kifayət etdi.
Bir Fotoqrafın Gördüyü, Çoxlarının Görmədiyi Detal
Foto adi bir gündə, Bakının simvollarından biri olan Heydər Əliyev Mərkəzinin qarşısında çəkilib.
Binanın qarşısında gəzərkən yer səthində yaranan əksi müşahidə etdim. Məhz həmin anda memarlığın xəttləri ilə əksin birlikdə böyük bir ürək forması yaratdığını gördüm. Maraqlısı odur ki, həmin nöqtədən baxmayınca bu kompozisiya ümumiyyətlə hiss olunmur.
Fotoqrafiyada çox vaxt ən qiymətli bacarıq kameraya sahib olmaq deyil, başqalarının fərq etmədiyi detalı görə bilməkdir. Mən də həmin an bunun xüsusi bir kadr ola biləcəyini hiss etdim və gözləməyə başladım.
Təsadüfün Ən Doğru Anı
Bir neçə dəqiqə sonra itin sahibi iti gəzdirərək həmin nöqtədən keçdi.
Tam ürək formasının mərkəzinə çatanda oğlan əyilərək itin boynundakı ipi düzəltməyə başladı. İnsan və itin siluetləri memarlığın yaratdığı ürək forması ilə tam uyğunlaşdı.
Çəkiliş cəmi bir neçə saniyə davam etdi.
Heç bir quruluş yox idi.
Heç bir təlimat verilməmişdi.
Sadəcə doğru anda düyməyə basmaq lazım idi.
Məhz həmin saniyə sonradan dünyanın müxtəlif ölkələrində paylaşılacaq bir fotoya çevrildi.
Bu Foto Mənə Nə Öyrətdi?
Bu foto mənə bir daha göstərdi ki, güclü foto yalnız bahalı texnika və ya mürəkkəb işıq quruluşu ilə yaranmır.
Ən vacib amillər bunlardır:
- müşahidə qabiliyyəti;
- kompozisiyanı əvvəlcədən görə bilmək;
- səbir;
- doğru anı gözləmək;
- və həmin saniyəni qaçırmamaq.
Bəzən milyonlarla insanın gördüyü bir foto sadəcə bir neçə saniyəlik diqqətin nəticəsi olur.
Niyə Bu Foto Mənim Yaradıcılığımda Xüsusi Yer Tutur?
Bu gün də bu kadr mənim ən çox tanınan və ən çox yayılan fotolarımdan biridir.
O, təkcə beynəlxalq platformalarda milyonlarla insana çatdığı üçün deyil, həm də mənə fotoqrafiyanın əsas fəlsəfəsini xatırlatdığı üçün xüsusi əhəmiyyət daşıyır:
Böyük kadrlar çox vaxt planlaşdırılmır. Onlar diqqətli gözlərin qarşısında yaranır.
Zaha Hadidin Də Paylaşdığı Foto
Bu fotonun mənim üçün ən yaddaqalan məqamlarından biri isə onun Heydər Əliyev Mərkəzinin memarı, dünya şöhrətli memar Zaha Hadidin rəsmi səhifəsində paylaşılması oldu.Bundan da maraqlısı odur ki, bu paylaşım təkcə bir dəfə ilə məhdudlaşmadı.Foto illərdir hər il 14 Fevral — Sevgililər Günü münasibətilə yenidən paylaşılır. Memarlığın yaratdığı ürək forması ilə insan və itin arasındakı emosional əlaqə bu fotonu həmin gün üçün xüsusi simvollardan birinə çevirib.Bir fotoqraf üçün çəkdiyi bir kadrın memarın öz komandası tərəfindən seçilərək uzun illər paylaşılması böyük dəyər daşıyır. Və dünya şöhrətli bir memarın Azərbaycanlı bir food fotoqraf səhifəsini izləməsi, postlarına layk qoyması məni fərəhləndirir.
Bu Foto Necə Qlobal Auditoriyaya Çatdı?
Foto sosial şəbəkələrdə paylaşılmağa başladıqdan sonra sürətlə beynəlxalq foto səhifələrinin diqqətini çəkdi.
Qısa müddət ərzində müxtəlif ölkələrin fotoqrafiya platformalarında, memarlıq və street photography səhifələrində yayımlandı, milyonlarla baxış topladı və yüz minlərlə bəyənmə qazandı.
Bu uğur mənim üçün təkcə şəxsi nailiyyət deyil, həm də Azərbaycanın memarlığını və Bakının simvollarından birini dünya auditoriyasına fərqli rakursdan təqdim etmək imkanı oldu.
BLOQ
